Deputatlar Keńesiniń 34-sessiyası bolıp ótti
2026-04-30 10:55:00 / Jańalıqlar
Deputatlar tárepinen usınıs etilgen máseleler hár tárepleme dodalandı.
Xalıq deputatları Moynaq rayonlıq Keńesiniń 34-sessiyası bolıp ótti. Sessiyada aymaqtı sociallıq-ekonomikalıq rawajlandırıwǵa baylanıslı áhmiyetli máseleler kún tártibine kirgizildi. Deputatlar tárepinen usınıs etilgen máseleler hár tárepleme dodalandı.
Sonıń ishinde, shańaraqlıq isbilermenlikti qollap-quwatlaw, jergilikli byudjettiń erkin qaldıq qarjıların baǵdarlaw, Ózbekstan Respublikası Prezidentiniń PQ-47-sanlı qararınıń orınlanıwı hám 2026-jılǵı vegetaciya dáwiri ushın suw limitin tastıyıqlaw máseleleri kórip shıǵıldı.
Juwapkerlerdiń málimlemeleri tıńlanıp, hár bir baǵdar boyınsha anıq wazıypalar belgilendi. Sessiya juwmaǵında tiyisli qararlar qabıl etildi.
live: https://youtube.com/live/yrq3UpaX5HI?si=8IU3o0zRShlqHA70