Basshılar sın kózqarastan, anıq wazıypa, ámeliy nátiyjege qaratılǵan májilis ótkerdi
2026-05-06 10:55:00 / Jańalıqlar
Moynaq rayonında máhálle jetiligi qatnasında áhmiyetli sın kózqarastan talqılanǵan májilis bolıp ótti. Onda rayon hákimi B.Menglibekov hám rayon prokurorı M.Orazbaev basshılıq etti.
Májilis dawamında Prezident qarar hám pármanları, tastıyıqlanǵan grafik hám jol kartalarında belgilengen wazıypalardıń orınlanıwı tereń tallanıp, nemquraydılıq hám kemshilikler ashıq dodalandı.
Tiykarǵı itibar máhálle institutın bunnan bılay da jetilistiriw, kámbaǵallıqtı qısqartıw hám bántlikti támiyinlew, jaslar hám hayal-qızlardı kásip-ónerge úyretiw, máhállelerdiń tazalıǵı hám abadanlıǵı, aldın alıw múmkin bolǵan jınayatlardı azaytıw, shıǵındı mashqalaların saplastırıw sıyaqlı baǵdarlarǵa qaratıldı.
Sonday-aq, Ózbekstan Respublikası Prezidentiniń 05.01.2026-jıldaǵı "Respublika máhállelerinde qáwipsiz ortalıqtı jaratıw baǵdarında bir pútin mánzilli jumıs sistemasın engiziwge qaratılǵan qosımsha ilajlar haqqında"ǵı PQ-1-sanlı hámde "2026-jılda respublika máhállelerinde jınayachılıqtıń erte aldın alıw nátiyjeliligin jáne de arttırıw boyınsha shólkemlestiriwshilik ilajlar haqqında"ǵı PQ-2-sanlı qararlarınıń orınlanıwı boyınsha rayon prokuraturasınıń usınısı dodalandı.
Juwmaǵında hár bir baǵdar boyınsha juwapkerlerge anıq tapsırmalar berilip, orınlaw tártibin kúsheytiw qatań belgilendi. Kúshli máhálle - tártipli aymaq - abadan jámiyet!