Jámiyette milletleraralıq tatıwlıq hám dinleraralıq keńpeyillik ortalıǵın bekkemlew boyınsha Infografika
2026-03-25 14:50:00 / Jańalıqlar
Búgingi kúnde jámiyette milletleraralıq tatıwlıq hám dinleraralıq keńpeyillik ortalıǵın bekkemlew mámleketlik siyasattıń tiykarǵı baǵdarlarınan biri bolıp esaplanadı.
Búgingi kúnde jámiyette milletleraralıq tatıwlıq hám dinleraralıq keńpeyillik ortalıǵın bekkemlew mámleketlik siyasattıń tiykarǵı baǵdarlarınan biri bolıp esaplanadı. Bul baǵdarda sistemalı úgit-násiyatlaw hám profilaktika ilajları izbe-iz ámelge asırılmaqta.
Úgit-násiyat ilajları nátiyjeleri:
Diniy tarawdaǵı nızamshılıqqa muwapıq alıp barılıp atırǵan mámleketlik siyasattıń mazmun-mánisin keń jámiyetshilikke jetkeriw maqsetinde:
• Mámleketlik hám jámiyetlik shólkemlerde 81 úgit-násiyat ilajı ótkerildi.
• 43 ilaj milletleraralıq tatıwlıq hám keńpeyillikti bekkemlewge qaratıldı.
• 24 úgit-násiyat jumısları ekstremizm hám radikalizmge qarsı qaratıldı.
Bul ilajlar xalıqtıń huqıqıy mádeniyatın arttırıw, óz-ara húrmet hám awızbirshilik ortalıǵın bekkemlewge xızmet etpekte.
Diniy ekstremizmge qarsı profilaktika:
Jámiyettiń turaqlılıǵına qáwip salıwshı faktorlardı erte anıqlaw hám saplastırıw, ásirese, jaslardıń sanasında ideologiyalıq immunitetti qáliplestiriw maqsetinde:
• 18 bilimlendiriw mákemesinde - 72 márte úgit-násiyat ushırasıwları shólkemlestirildi.
Máhállelerde - 36 márte profilaktikalıq ilajlar ótkerildi.
Bul háreketler jaslardı jat ideyalardan saqlaw hám salamat sociallıq ortalıqtı qáliplestiriwde úlken áhmiyetke iye bolmaqta.
Moynaq rayonı xalqınıń quramı:
Rayonda jasawshı jámi xalıq sanı 34 133 adamdı quraydı. Aymaq kóp milletli jámiyet sıpatında óziniń keńpeyilligi menen ajıralıp turadı:
• Ózbekler - 598 adam;
• Qaraqalpaqlar - 22 632 adam;
• Qazaqlar - 9 967 adam;
• Túrkmenler - 54 adam;
• Ruslar - 334 adam;
• Koreysler - 79 adam;
Basqa milletler - 478 adam.
Túrli millet hám xalıq wákilleriniń óz-ara húrmet, doslıq hám awızbirshilik tiykarında jasap atırǵanı aymaqtaǵı sociallıq turaqlılıqtıń áhmiyetli faktorı bolıp esaplanadı.