MOYNAQ RAYONÍNA PRESS-TUR SHÓLKEMLESTIRILDI
2026-02-19 19:55:00 / Jańalıqlar
☄️ Usı jıldıń 19-mart kúni Qaraqalpaqstan Respublikası Mektepke shekemgi hám mektep bilimlendiriwi ministrliginiń baslaması menen Moynaq rayonında press-tur shólkemlestirildi.
☄️ Usı jıldıń 19-mart kúni Qaraqalpaqstan Respublikası Mektepke shekemgi hám mektep bilimlendiriwi ministrliginiń baslaması menen Moynaq rayonında press-tur shólkemlestirildi. Onda sırt elli oqıtıwshılar hám jergilikli ǵalaba xabar qurallarınıń wákilleri belsene qatnastı.
✔️ Bul ilajdıń tiykarǵı maqseti aymaqta bilimlendiriw tarawında ámelge asırılıp atırǵan keń kólemli reformalar, jaratılǵan zamanagóy sharayatlar hám oqıw processindegi jańalanıwlar menen jaqınnan tanıstırıwdan ibarat boldı.
📌 Press-tur dawamında qatnasıwshılar rayondaǵı 10-sanlı mektepke shekemgi bilimlendiriw shólkemi hám 4-sanlı ulıwma orta bilim beriw mektebinde bolıp, olarda jaratılǵan imkaniyatlar, bilimlendiriwdiń sapası hám innovaciyalıq kózqaraslar menen tanıstı.
🤗 Sonday-aq, ilaj sheńberinde oqıwshılar hám pedagoglar menen ashıq hám qızǵın sáwbet ótkerildi. Milliy qádiriyatlarımızdı sáwlelendiretuǵın Nawrız seyilinde qatnasıp, bayram keypiyatı hámmege kóterińki keypiyat baǵıshladı.
➖ Bunnan tısqarı, qatnasıwshılar ushın Aral teńizi tariyxı muzeyi hám Kemeler qoyımshılıǵına sayaxat shólkemlestirilip, aymaqtıń ózine tán tariyxı hám ekologiyalıq jaǵdayı menen jaqınnan tanısıw imkaniyatı jaratıldı.
✔️ Bul press-tur qatnasıwshılarda Moynaq rayonında bilimlendiriw sistemasında ámelge asırılıp atırǵan izbe-iz reformalar, jaratılıp atırǵan sharayatlar hám erisilip atırǵan nátiyjeler haqqında jáne de bay hám tereń túsinikke iye boldı.