🔊Deputatlar Keńesiniń 33-sessiyası bolıp ótti
2026-04-06 17:55:00 / Jańalıqlar
Moynaq rayonında Xalıq deputatları rayonlıq Keńesiniń 33-sessiyası bolıp ótti.
Moynaq rayonında Xalıq deputatları rayonlıq Keńesiniń 33-sessiyası bolıp ótti. Sessiya kún tártibine kirgizilgen 5 áhmiyetli másele deputatlar tárepinen hár tárepleme kórip shıǵıldı. Juwapker basshılardıń esabatları tıńlanıp, tiyisli qararlar qabıl etildi.
Dáslep, mámleketlik uyımlar hám shólkemlerde atqarıw tártibin bekkemlewge qaratılǵan PP-117-sanlı Pármannıń orınlanıwı dodalandı. Sonday-aq, 2026-jıldıń I sheregi dawamında ruwxıy-aǵartıwshılıq tarawda ámelge asırılǵan jumıslar boyınsha málimleme berildi. Ishimlik suwı támiynatı hám aqaba suw sistemasın jaqsılaw boyınsha PQ-343-sanlı qarardıń orınlanıwı da kórip shıǵıldı.
Sessiyada rayon hákiminiń esabatları tıńlandı. Onda rayon hákimi puqaralardıń múrájatları menen islesiw sistemasın bunnan bılay da jetilistiriw máselesine ayrıqsha itibar qaratıp, bul baǵdarda Qarshı qalasınıń tájiriybesin engiziw hám xalıqtıń múrájatların nátiyjeli sheshiw boyınsha ámelge asırılǵan jumıslarǵa toqtap ótti. Sonday-aq, ayrıqsha jaǵdaylardıń aldın alıw baǵdarında alıp barılǵan jumıslar dodalandı.