Mámleketlik uyımlar hám shólkemlerde korrupciyaǵa mawasasız múnásibet qáliplestiriledi
2026-02-20 19:35:00 / Jańalıqlar
“Mámleketlik uyımlar hám shólkemlerdiń korrupciyaǵa qarsı ishki qadaǵalaw bólimleriniń biyǵárezligin támiyinlew hám jumısınıń nátiyjeliligin arttırıw ilajları haqqında”ǵı Prezident qararı
(PQ-147-sanlı, 21.04.2025 j.) qabıl etildi.
Qararǵa kóre, mámleketlik uyımlar hám shólkemler, ustav fondında (ustav kapitalında) mámleket úlesi 50 procent hám onnan artıq bolǵan xojalıq jámietlerindegi korrupciyaǵa qarsı ishki qadaǵalaw bólimsheleriniń tiykarǵı wazıypaları etip tómendegiler belgilendi, atap aytqanda:
korrupciya jaǵdayların erte anıqlaw hám olardıń aldın alıw, olarǵa imkaniyat beretuǵın sebep hám sharayatlardı saplastırıw;
mámleketlik xızmetlerdi kórsetiwde korrupciyalıq faktorlardı saplastırıw, turmıslıq korrupciyanıń aldın alıw, sonıń ishinde, sanlastırıw, byurokratiyanı qısqartıw boyınsha usınıslar islep shıǵıw;
uyımlıq normativ-huqıqıy hújjetlerdi korrupciyaǵa qarsı ekspertizadan ótkeriw hám juwmaqları boyınsha anıqlanǵan korrupciyalıq normalardı biykarlaw boyınsha usınıs kirgiziw.
Korrupciyaǵa qarsı ishki qadaǵalaw bólimleri óz jumısında tikkeley shólkemniń birinshi basshısına boysınadı hám onıń aldında esap beredi.
Korrupciyaǵa qarsı ishki qadaǵalaw bólimlerin shólkemlestiriwdiń minimal kriteriyaları tastıyıqlandı.
R.Annarazov, Moynaq rayonı
ádillik bólimi baslıǵı