Qaraqalpaqstan Respublikası Moynaq rayonı hákimligi

Moynaq rayonı aymaǵında rayon prokuraturasınıń baslaması menen jaslar qatnasıwında korrupciyalıq jaǵdaylardıń aldın alıwǵa qaratılǵan ruwxıy-aǵartıwshılıq ilajı shólkemlestirildi. Ilaj "Hadalıq - keleshek tiykarı!" súreni astında kóterińki ruwxta ótti.

Ushırasıw dawamında jaslar menen ashıq pikirlesiwler shólkemlestirilip, korrupciyanıń jámietlik rawajlanıwǵa unamsız tásiri, onıń aldın alıw mexanizmleri hám hár bir puqaranıń bul baǵdardaǵı juwapkershiligi haqqında hár tárepleme túsinikler berildi.

Ilaj tek ǵana bayanat túrinde emes, al interaktiv soraw-juwaplar, saxnalıq kórinisler hám jaslardıń pikir-usınısları menen bayıtıldı. Ásirese, "Hadallıq tańlawı" atamasındaǵı kishi saxnalıq shıǵıwlar jıynalǵanlarda úlken tásir qaldırdı.

Jaslar óz pikirlerinde bir awızdan mınanı atap ótti:

"Korrupciyaǵa qarsı gúresiw - bul tek ǵana huqıq qorǵaw uyımlarınıń wazıypası emes, al hár birimizdiń puqaralıq minnetimiz bolıp esaplanadı."

Ilaj juwmaǵında hadallıq hám ádillik principlerine sadıq qalıw, korrupciyaǵa mawasasız múnásibetti qáliplestiriw boyınsha usınıs hám baslamalar alǵa qoyıldı.

Moynaq jasları búgin hadallıq bayraǵın bálent kóterdi. Sebebi, aydın keleshek - hadal niet hám pák hújdan menen baslanadı! ✨