Awıllıq jerlerdi turaqlı rawajlandırıw joybarı sheńberinde ámeliy jumıslar dawam etpekte.
2025-11-04 10:15:00 / Министрлик
Awıllıq jerlerdi turaqlı rawajlandırıw joybarı sheńberinde ámeliy jumıslar dawam etpekte.
Húrmetli Prezidentimizdiń "Islam rawajlanıw banki hám OPEK xalıqaralıq rawajlanıw fondı qatnasıwında "Awıllıq jerlerdi turaqlı rawajlandırıw" joybarın ámelge asırıw ilajları haqqında"ǵı qararına tiykarlanıp, elimizdiń awıllıq aymaqlarında keń kólemli reformalar ámelge asırılmaqta.
Usı joybar sheńberinde Ellikqala rayonında da xalıq ushın qolaylı sharayat jaratıw, infrastrukturanı jańalaw hám elektr támiynatın jaqsılaw boyınsha ámeliy jumıslar alıp barılmaqta.
Atap aytqanda, rayonnıń Sarabiy awıl puqaralar jıyını aymaǵında 35, Amirobod awıl puqaralar jıyını aymaǵında 30 dana jańa temir-beton baǵanalar ornatılmaqta. Bul jumıslar awıl xalqı ushın turaqlı elektr támiynatın jaratıw, energiya sistemasınıń isenimliligin arttırıw hám puqaralardıń turmıs sapasın jáne de jaqsılawǵa xızmet etedi.
️ Ellikqala rayonı hákimligi Málimleme xızmeti