Xalıq deputatları Ellikqala rayonlıq Keńesiniń gezektegi 25-sessiyası bolıp ótti.
2026-07-08 16:50:00 / Jańalıqlar
Xalıq deputatları Ellikqala rayonlıq Keńesiniń gezektegi 25-sessiyası bolıp ótti.
Sessiyaǵa Keńes Baslıǵı Sh.Qwshnazarov basshılıq etti. Onda deputatlar, rayon hákiminiń orınbasarları, tiyisli kárxana hám shólkemlerdiń basshıları hám ǵalaba xabar qurallarınıń wákilleri qatnastı.
Sessiya dawamında rayonnıń sociallıq-ekonomikalıq rawajlanıwı hám xalıqtıń abadanlıǵın támiyinlewge qaratılǵan bir qatar áhmietli máseleler dodalandı. Atap aytqanda, jergilikli byudjettiń qosımsha dárekleri hám "Infrastruktura hám sociallıq turaqlılıq" qorınıń qarjıların maqsetli baǵdarlaw, Máhálleler awqamı rayonlıq bólimi, Shańaraq hám hayal-qızlar bólimi jáne "Insan" sociallıq xızmetler orayınıń 2026-jıldıń II sheregindegi jumısı boyınsha esabatlar kórip shıǵıldı.
Hár bir másele deputatlar tárepinen hár tárepleme dodalanıp, bildirilgen pikir-usınıslar tiykarında tiyisli qararlar qabıl etildi.
Sessiya Ellikqala rayonı hákimliginiń rásmiy Facebook beti arqalı janlı efirde kórsetildi.