Xalıq deputatları Ellikqala rayonlıq Keńesiniń 24-sessiyası bolıp ótti.
2026-07-01 16:45:00 / Jańalıqlar
Xalıq deputatları Ellikqala rayonlıq Keńesiniń 24-sessiyası bolıp ótti.
Sessiyanı Xalıq deputatları Ellikqala rayonlıq Keńesiniń Baslıǵı Sh.Qoshnazarov alıp bardı.
Sessiya jumısında deputatlar, rayon hákiminiń orınbasarları, shólkem hám mákemelerdiń basshıları hám ǵalaba xabar qurallarınıń wákilleri qatnastı.
Sessiya kún tártibine kirgizilgen máseleler boyınsha juwapker basshılardıń málimlemeleri tıńlandı. Sonıń ishinde, jergilikli byudjet qarjılarınan nátiyjeli paydalanıw, qosımsha qarjılar ajıratıw, "Infrastruktura hám sociallıq turaqlılıq" qorınıń qarjıların baǵdarlaw, "Jasıl baǵ" shólkemlestiriw, jer qatnasıqları, jaslar siyasatı, bilimlendiriw, densawlıqtı saqlaw hám suw resurslarınan nátiyjeli paydalanıwǵa baylanıslı máseleler dodalandı.
Kún tártibindegi barlıq máseleler deputatlar tárepinen hár tárepleme kórip shıǵılıp, olar boyınsha tiyisli qararlar qabıl etildi.
Bul sessiya Ellikqala rayonı hákimliginiń rásmiy Facebook beti arqalı onlayn tarqatıldı.