Ellikqala rayonında ámeliy oqıw seminarı ótkerildi
2026-07-25 09:15:00 / Jańalıqlar
Ellikqala rayonında ámeliy oqıw seminarı ótkerildi
Ózbekstan Respublikası Prezidenti tárepinen 2026-jıl 16-iyul kúni ótkerilgen videoselektor májilisinde belgilengen tapsırmalardıń orınlanıwın támiyinlew maqsetinde Ellikqala rayonında máhálle baslıqları, hákim járdemshileri hám máhálle bankirleriniń qatnasıwında ámeliy oqıw seminarı shólkemlestirildi.
Seminarda máhállelerde xalıqtıń bántligin támiyinlew, dáramatlardı arttırıw, isbilermenlikti rawajlandırıw, shańaraqlar menen mánzilli islesiw, sonday-aq, máhálle jetiligi jumısın jáne de nátiyjeli shólkemlestiriw máselelerine ayrıqsha itibar qaratıldı.
Ilajda Ózbekstan Máhálleleri awqamı Qaraqalpaqstan Respublikası basqarması baslıǵı S.Turmanov, Ózbekstan Respublikası Oraylıq bankiniń Qaraqalpaqstan Respublikası Bas basqarması baslıǵı A.Isakov hám Ózbekstan Máhálleleri awqamı Ellikqala rayonı bólimi baslıǵı Sh. Qoshnazarov qatnasıp, máhállelerde alıp barılıp atırǵan reformalardıń mazmun-mánisi, xalıq penen islesiw
jumıstıń zamanagóy kózqarasları hám belgilengen wazıypalardı nátiyjeli ámelge asırıw boyınsha ámeliy usınıslar hám kórsetpeler berdi.
Seminar juwmaǵında qatnasıwshılardı qızıqtırǵan sorawlarǵa tolıq juwaplar berildi hám aldaǵı áhmietli wazıypalar boyınsha tiyisli usınıslar islep shıǵıldı.