Ellikqala rayonında "Ashıq byudjet"tiń 1-basqıshı sheńberinde ishki kóshelerge asfalt qaplaması tóselmekte
2026-07-28 09:00:00 / Jańalıqlar
Ellikqala rayonında "Ashıq byudjet"tiń 1-basqıshı sheńberinde ishki kóshelerge asfalt qaplaması tóselmekte
Ózbekstan Respublikası Prezidentiniń baslaması menen ámelge asırılıp atırǵan "Ashıq byudjet" baǵdarlamasınıń 1-basqıshı sheńberinde Ellikqala rayonında xalıq ushın áhmiyetli bolǵan ishki jollardı ońlaw jumısları izbe-iz dawam ettirilmekte.
Sonıń ishinde, "Nawayı" APJ aymaǵındaǵı Mustaqillik hám Bestam kóshelerinde asfalt qaplaması tósew jumısları alıp barılmaqta. Bul joybar xalıqtıń dawıs beriwi nátiyjesinde jeńimpaz dep tabılǵan baslamalar tiykarında ámelge asırılmaqta.
Qurılıs jumısları juwmaqlanǵannan soń, bul kóshelerde transport quralları hám piyadalardıń háreketi ushın qolaylı jáne qáwipsiz sharayat jaratıladı. Sonday-aq, jol infrastrukturasınıń jaqsılanıwı aymaq turǵınlarınıń turmıs sapasın arttırıwǵa xızmet etedi.