Ellikqalada "Hayal-qızlar dápteri" sisteması sheńberindegi tiykarǵı wazıypalar dodalandı
2026-07-16 17:15:00 / Jańalıqlar
Ellikqalada "Hayal-qızlar dápteri" sisteması sheńberindegi tiykarǵı wazıypalar dodalandı
Ellikqala rayonı hákimliginiń úlken májilisler zalında "Hayal-qızlar dápteri" sistemasın júrgiziw, sociallıq qorǵawǵa mútáj hayal-qızlardı hár tárepleme qollap-quwatlaw, olardıń bántligin támiyinlew, isbilermenligin rawajlandırıw hám medicinalıq, psixologiyalıq hám huqıqıy xızmetlerdiń nátiyjeliligin arttırıw máselelerine baǵıshlanǵan oqıw-seminar bolıp ótti.
Seminardı Ózbekstan Kásiplik awqamları Federaciyası baslıǵınıń orınbasarı, Qaraqalpaqstan Keńesiniń baslıǵı U.Jalmenov alıp bardı. Onda Insan sociallıq xızmetler orayı hám Mektepke shekemgi hám mektep bilimlendiriwi bólimi sistemasındaǵı psixologlar tárepinen hayal-qızlardıń ruwxıy salamatlıǵın bekkemlewge qaratılǵan seminar hám treninglerdi mazmunlı hám nátiyjeli shólkemlestiriw boyınsha tolıq usınıslar berildi.
Ilajda rayon hákiminiń orınbasarı, Shańaraq hám hayal-qızlar bóliminiń baslıǵı A.YUldasheva, Ózbekstan Máhálleler awqamınıń Ellikqala rayonı bóliminiń baslıǵı i Sh. Qoshnazarov, máhálle baslıqları, hayal-qızlar belsendileri hám tarawǵa juwapker qánigeler qatnastı.
Seminar juwmaǵında aymaqlarda "Hayal-qızlar dápteri" sisteması sheńberindegi jumıslardı sapa jaǵınan jańa basqıshqa alıp shıǵıw, hayal-qızlardıń mashqalaların mánzilli sheshiw jáne olarǵa kórsetilip atırǵan psixologiyalıq hám sociallıq xızmetlerdiń nátiyjeliligin arttırıw boyınsha áhmietli wazıypalar belgilep alındı.