Ellikqala rayonında qıytaq jerdi rawajlandırıw, xalıqtıń bántligin támiyinlew hám eksportqa qolaylı awıl xojalıǵı ónimlerin jetistiriwdi keńeytiw baǵdarındaǵı jumıslar izbe-iz dawam ettirilmekte.
2026-07-11 17:30:00 / Jańalıqlar
Ellikqala rayonında qıytaq jerdi rawajlandırıw, xalıqtıń bántligin támiyinlew hám eksportqa qolaylı awıl xojalıǵı ónimlerin jetistiriwdi keńeytiw baǵdarındaǵı jumıslar izbe-iz dawam ettirilmekte.
Mine, usı maqsette tájiriybeli usta diyqan Nurimov Ismayıl Qıtay Xalıq Respublikasında xızmet saparında bolıp, zamanagóy ıssıxana texnologiyaları, suwdı únemleytuǵın suwǵarıw sistemaları, innovaciyalıq diyqanshılıq usılları jáne ónimlerdi jetistiriw, saqlaw hám qayta islew boyınsha aldınǵı tájiriybelerdi úyrendi.
Eń áhmietlisi, bul tájiriybeler endi Ellikqala rayonında ámeliyatqa engiziledi. Usta diyqan tárepinen máhállelerde ámeliy seminarlar, oqıw shınıǵıwları hám kórgizbeli sabaqlar shólkemlestirilip, xalıqtıń qıytaq jerlerinde zamanagóy agrotexnologiyalardı qollanıw boyınsha usınıslar beriledi.
Bul baslama qıytaq jerlerden únemli paydalanıw, puqaralardıń dáramatın arttırıw, jańa jumıs orınların jaratıw hám rayonnıń eksport potencialın arttırıwǵa xızmet etedi.