Ellikqala rayonında "Hayal-qızlar dápteri" boyınsha jańa tártipler dodalandı
2026-06-06 11:55:00 / Jańalıqlar
Ellikqala rayonında "Hayal-qızlar dápteri" boyınsha jańa tártipler dodalandı
Ellikqala rayonı hákimliginiń úlken májilisler zalında 2026-jılda "Hayal-qızlar dápteri"n júrgiziw sistemasındaǵı jańa tártipler, ámelge asırılıp atırǵan reformalar hám tiykarǵı wazıypalarǵa baǵıshlanǵan jumısshı ushırasıw bolıp ótti.
Onda Energetika, neft-gaz hám geologiya xızmetkerleri kásiplik awqamı Respublikalıq Keńesi baslıǵınıń orınbasarı S.Twxtaev, rayon hákiminiń orınbasarları, shólkem hám mákemelerdiń basshıları, máhálle juwapkerleri hám jumısshı topar aǵzaları qatnastı.
Májiliste jańa Reje tiykarında "Hayal-qızlar dápteri" sistemasında ámelge asırılatuǵın jumıslar hám áhmietli baǵdarlar dodalanıp, tómendegi máselelerge ayrıqsha itibar qaratıldı:
🔹 jumıssız hayal-qızlardı bántlikke tartıw hám olardıń dáramat dáreklerin jaratıw;
🔹 hayal-qızlardıń isbilermenlik baslamaları hám biznes joybarların qollap-quwatlaw;
🔹 járdemge mútáj hayal-qızlarǵa sociallıq, ekonomikalıq, medicinalıq, psixologiyalıq hám huqıqıy járdem kórsetiw
Ushırasıw juwmaǵında juwapkerlerge "Hayal-qızlar dápteri"ne kirgizilgen hár bir hayal-qızdıń mashqalaların individual úyreniw, mánzilli járdem kórsetiw hám belgilengen wazıypalardıń orınlanıwın nátiyjeli shólkemlestiriw boyınsha tiyisli tapsırmalar berildi.