Puqaralardıń múrájatları - itibar hám ámeliy sheshim orayında
2026-06-12 11:25:00 / Jańalıqlar
Puqaralardıń múrájatları - itibar hám ámeliy sheshim orayında
Búgin Ellikqala rayonı hákimi V.B. Niyazimbetovtıń gezektegi jeke tártiptegi qabıllawı bolıp ótti.
Qabıllaw dawamında puqaralar menen ashıqtan-ashıq sóylesiw ótkerilip, olardı qıynap kiyatırǵan máseleler, usınıs hám múrájatlar hár tárepleme tıńlandı. Prezidentimiz tárepinen alǵa qoyılıp atırǵan "Insan qádiri ushın" principi tiykarında hár bir múrájatqa ayrıqsha itibar qaratıldı.
Múrájatlardıń kópshiligi sociallıq qollap-quwatlaw, bántlik, turaq jay, kommunallıq xızmetler hám infrastrukturanı jaqsılaw máselelerine baylanıslı bolıp, olardıń sheshimi boyınsha tiyisli shólkem hám juwapker basshılarǵa anıq wazıypalar jáne múddetli tapsırmalar berildi. Ayırım máseleler ornında sheshilgen bolsa, qosımsha úyreniwdi talap etetuǵın múrájatlar qadaǵalawǵa alındı.
Puqaralar menen tikkeley sóylesiw, olardıń dárt-táshwishlerin tıńlaw hám ámeliy járdem kórsetiw mámleketlik uyımlar jumısınıń tiykarǵı baǵdarlarınan biri bolıp qalmaqta. Bunday qabıllawlar xalıq penen ashıq hám shın kewilden pikirlesiwdi bekkemlew, aymaqlardı rawajlandırıw jáne xalıqtıń máplerin támiyinlewge xızmet etpekte.