"Ǵayratlı kekseler" sport jarısınıń jeńimpazları sıylıqlandı
2026-06-03 15:30:00 / Jańalıqlar
"Ǵayratlı kekseler" sport jarısınıń jeńimpazları sıylıqlandı
Ózbekstan Respublikası Prezidentiniń kekselerdi hár tárepleme qollap-quwatlaw, olardıń sociallıq belsendiligin arttırıw hám salamat turmıs tárizin úgit-násiyatlawǵa qaratılǵan qararlarınıń orınlanıwın támiyinlew maqsetinde Ellikqala rayonında "Ǵayratlı kekseler" súreni astında sporttıń gúres, shaxmat, shashka hám mini futbol túrleri boyınsha nuranıylar arasında jarıslar ótkerildi.
Jarıslarda rayonnıń hár qıylı máhálle hám awıl puqaralar jıyınlarınan nuranıylar belsene qatnasıp, óz-ara kúsh hám sheberlik sınaǵınan ótti.
Jarıs juwmaǵında rayon hákiminiń orınbasarı O.Atajanov, "Nuranıy" qorı Qaraqalpaqstan Respublikası bóliminiń baslıǵı T.Abdijabbarov hám rayonlıq bóliminiń baslıǵı F.Ibadullaev qatnasıwında jeńimpazlar sıylıqlandı.
Jeńimpazlarǵa diplom hám estelik sawǵaları tapsırıldı. Sonday-aq, birinshi orındı qolǵa kirgizgen qatnasıwshılar jarıstıń Qaraqalpaqstan Respublikası basqıshına jollama aldı.