Ellikqala rayonı hákimi V.B.Niyazimbetovtıń mektep pitkeriwshilerine qutlıqlawı
2026-05-25 15:35:00 / Администрацияның баянатлары ҳәм сөйлеўлери
Ellikqala rayonı hákimi V.B.Niyazimbetovtıń mektep pitkeriwshilerine qutlıqlawı
Áziz jaslar, qádirli mektep pitkeriwshileri!
Búgin óz bilim hám qábileti, kúsh-ǵayratın Jańa Ózbekstannıń dóretiwshisi, janajan elimizge múnásip perzent bolıwday iygilikli maqsetke baǵıshlawǵa bel baylaǵan sizler sıyaqlı náwqıran jaslardı mektep bilimlendiriwin tabıslı tamamlap atırǵanıńız benen shın kewlimnen qızǵın qutlıqlayman.
Barlıq mekteplerde "Sońǵı qońıraw"lar jańlap, mıńlaǵan jaslar úlken ómirge jollama almaqta, olar úlken imkaniyatlar inam etetuǵın pútkilley jańa ómir bosaǵasında turıptı.
Bıyılǵı sońǵı qońıraw ilajlarınıń "Joqarı máripatlı áwlad - Úshinshi Renessans tiykarı" súreni astında ótkeriliwi de biykarǵa emes. Mámleketimiz keleshegi, onıń táǵdiri hám rawajlanıwı jaslardıń qolında, sol sebepli olardı bárkamal insanlar etip tárbiyalaw, olardıń nızamlı huqıqları menen máplerin támiyinlew, qábilet hám potencialın júzege shıǵarıwǵa oǵada úlken itibar qaratılmaqta.
Bıyılǵı jılı rayonımızda
Bıyıl rayonımızdaǵı 74 ulıwma bilim beriw mektebin 2653 pitkeriwshi tamamlamaqta.
Ózińiz tańlaǵan kásip-ónerdi ielewde hám jámietimizdiń rawajlanıwına múnásip úles qosıp, bar qábilet hám ǵayrat penen háreket etiwińizge tileklespen.
Keleshekte jetik qánigeler bolıp, elimizdegi zamanagóy klasterler, fermer xojalıqları, óndiris kárxanaları, úlken-úlken qurılıslar, firma hám kompaniyalar, mámleketlik hám mámleketlik emes shólkemler, mádeniy hám dóretiwshilik jámáátlerde jumıs baslaysız hám Watanımızdıń rawajlanıwı, xalqımızdıń abadanlıǵın arttırıwǵa álbette múnásip úles qosasız.
Bul jolda tınımsız izlenip, jańa sheklerge qaray umtılıw, mártlik hám ózińizge bekkem isenim sezimi bárqulla joldas bolsın.
Bársheńizge oqıw hám jeke ómirińizde úlken jetiskenlik hám áwmetler tileymiz