“Jańa Ózbekstannıń ibratlı shańaraǵı” tańlawınıń rayon basqıshı bolıp ótti
2026-05-02 10:20:00 / Jańalıqlar
“Jańa Ózbekstannıń ibratlı shańaraǵı” tańlawınıń rayon basqıshı bolıp ótti
“Jańa Ózbekstannıń ibratlı shańaraǵı” tańlawın ótkeriwden tiykarǵı maqset — elimizde ulıwmainsanıylıq, milliy hám shańaraqlıq qádiriyatlardı bekkemlew, “Abadan shańaraqqa qaray” konceptuallıq ideyasın turmısqa engiziwde ibratlı shańaraqlardıń sociallıq belsendiligin bunnan bılay da arttırıw, shańaraqlardıń perzent tárbiyasındaǵı juwapkershiligin kúsheytiw hám jas áwladtı Watanǵa muhabbat ruwxında tárbiyalaw jumıslarına múnásip úles qosıp kiyatırǵan intaker shańaraqlardı rag‘batlandırıw hám olardıń aldıńǵı tájiriybelerin keńnen jaydırıwdan ibarat.
Tańlawdıń rayon basqıshında qatnasqan shańaraqlardıń usınǵan hújjetleri, máhálledegi belsendiligi hám abadanlastırıw jumıslarına qosıp atırǵan úlesi tóreshiler hay’ati tárepinen kórip shıǵıldı hám bahalandı.
Tańlaw juwmaǵında Ellikqala rayonı Alisher Nawayı máhállesinen Alimovlar shańaraǵı jeńimpaz dep tabılıp, tańlawdıń Respublika basqıshına jollanbanı qolǵa kirgizdi.