Joqarı bilimlendiriw imkaniyatları: jaslar menen ashıqtan-ashıq pikirlesiw
2026-04-21 17:35:00 / Jańalıqlar
Joqarı bilimlendiriw imkaniyatları: jaslar menen ashıqtan-ashıq pikirlesiw
Bıyılǵı oqıw jılı juwmaqlanıp, pitkeriwshi jaslar ushın juwapkershilikli hám áhmietli dáwir - kelesi bilimlendiriw jolın tańlaw basqıshınıń baslanıwına az waqıt qaldı. Bul processte jaslarǵa durıs baǵdar beriw, olardı joqarı bilimlendiriw mákemeleriniń imkaniyatları menen tanıstırıw úlken áhmietke ie.
Usı múnásibet penen Ellikqala rayonındaǵı mádeniyat orayı hamde Sarabiy awılındaǵı 23-sanlı Balalar muzıka hám kórkem óner mekteplerinde úgit-násiyat ilajları shólkemlestirildi. Bul ilajlarda Tashkent mámleketlik agrar universiteti Agronomiya hám agrotexnologiyalar kafedrası professorı N.Xudaybergenov hám docent U.Sultanovlar qatnasıp, pitkeriwshi jaslar hám tarawǵa qızıǵıwshı oqıwshılar menen ushırasıw ótkerdi.
Ushırasıw dawamında universitettegi bar bilimlendiriw baǵdarları, qabıllaw processleri, studentler ushın jaratılǵan zamanagóy sharayatlar hám imkaniyatlar haqqında hár tárepleme maǵlıwmatlar berildi. Sonday-aq, kórsetilgen prezentaciya hám videorolikler arqalı qatnasıwshılar ózlerin qızıqtırǵan sorawlarǵa juwap aldı.
Sońǵı jılları elimizde jaslardı qollap-quwatlaw, olardıń sapalı bilim alıwı hám zamanagóy kásip-ónerlerdi ielewi ushın keń kólemli reformalar ámelge asırılıp atırǵanın atap ótiw kerek. Bul bolsa jaslardıń bilim alıwǵa bolǵan umtılısın arttırıw menen birge, olardıń keleshekte maman kadr bolıp jetilisiwine bekkem tiykar jaratpaqta.
Ellikqal’a tuman hokimligi axborot xizmati
🌐Web sayt (https://gov.uz/oz/ellikqala) | ✅ Telegram | (https://t.me/ellikqala1977) ✅Facebook (https://www.facebook.com/tursungul.nurimova) | 🌐 Instagram (https://www.instagram.com/tv/C6txSeLgtLc/?igsh=MWZzZmF6a)