Ellikqala rayonında futbol hám mini futbol boyınsha "Mámleketlik qáwipsizlik xızmeti kubogi" jarısına start berildi
2026-04-14 15:25:00 / Jańalıqlar
Ellikqala rayonında futbol hám mini futbol boyınsha "Mámleketlik qáwipsizlik xızmeti kubogi" jarısına start berildi
Búgin Ellikqala rayonı oraylıq stadionında futbol hám mini futbol boyınsha "Mámleketlik qáwipsizlik xızmeti kubogi" jarısınıń saltanatlı ashılıw máresimi bolıp ótti. Jarıstı Ellikqala rayonı hákimi V. Niyazimbetov ashıp berdi.
Ilaj dawamında ǵalabalıq sporttı rawajlandırıw, jaslardıń sportqa qızıǵıwshılıǵın bunnan bılay da arttırıw máseleleri ayrıqsha atap ótildi. Sonday-aq, usı jıl 7-aprel kúni Prezidentimiz tárepinen ótkerilgen denetárbiya hám sport tarawına baǵıshlanǵan videoselektor májilisinde berilgen tapsırmalar, sporchılar hám trenerler ushın jaratılıp atırǵan qolaylıqlar hám sharayatlar haqqında sóz boldı.
Bunnan soń, rayondaǵı 40 máhálleden kelgen komandalar óz qarsılasların anıqlaw maqsetinde qura taslaw máresiminde qatnastı.