Máhállelerde qáwipsiz ortalıq - tiykarǵı wazıypa
2026-03-18 16:45:00 / Jańalıqlar
Máhállelerde qáwipsiz ortalıq - tiykarǵı wazıypa
Ellikqala rayonındaǵı "Ellikqala" máhállesi imaratında rayon prokurorı M.Atadjanov hám rayonlıq IIB baslıǵı B.Shaxanovlar máhálle "Jetilik" wákilleri hám máhálle belsendileri menen májilis ótkerdi.
Onda Prezidenttiń 2026-jıl 5-yanvardaǵı PQ-1-sanlı "Respublika máhállelerinde qáwipsiz ortalıqtı jaratıw baǵdarında bir pútin mánzilli jumıs sistemasın engiziwge qaratılǵan qosımsha ilajlar haqqında"ǵı qararınıń orınlanıwın támiyinlew máseleleri dodalanıp, rayonda kriminogen jaǵdayı awır esaplanǵan "Ellikqala" APJda profilaktikalıq ilajlardı kúsheytiw, huqıqbuzarlıqlar hám jınayatlardıń erte aldın alıw boyınsha anıq wazıypalar belgilep alındı.
Sonday-aq, "úlgili qáwipsiz kóshe" hám "úlgili qáwipsiz jollar"dı belgilengen múddetlerde shólkemlestiriw, máhálleni tolıq videobaqlaw sisteması menen qamtıp alıw máseleleri boyınsha tiyisli juwapkerlerge anıq tapsırmalar berildi.
Máhállede qáwipsiz ortalıqtı jaratıw - bárshemizdiń tiykarǵı wazıypamız.