Qırqqızabad aymaǵındaǵı "Guldursun agrotáminot" fermer xojalıǵında kartoshka jetistiriwdi nátiyjeli shólkemlestiriw, fermer hám diyqan xojalıqlarına zamanagóy egiw texnologiyaların ámeliy kórsetiw maqsetinde kórgizbeli seminar shólkemlestirildi.
2026-03-24 15:35:00 / Jańalıqlar
Qırqqızabad aymaǵındaǵı "Guldursun agrotáminot" fermer xojalıǵında kartoshka jetistiriwdi nátiyjeli shólkemlestiriw, fermer hám diyqan xojalıqlarına zamanagóy egiw texnologiyaların ámeliy kórsetiw maqsetinde kórgizbeli seminar shólkemlestirildi.
Onda Germaniya mámleketinen alıp kelingen aldınǵı texnologiyalar tiykarında kartoshka egiw processleri ámelde kórsetilip, qatnasıwshılarǵa bul usıllardıń abzallıqları haqqında tolıq túsinikler berildi.
Seminarǵa rayon hákimi V.B. Niyazimbetov, awıl xojalıǵı shólkemleriniń wákilleri hám rayondaǵı barlıq kategoriyadaǵı fermer xojalıqlarınıń basshıları belsene qatnastı.
Maǵlıwmatlarǵa bola, 2026-jıl ónimi ushın rayon boyınsha fermer hám diyqan xojalıqlarında jámi 250 gektar maydanǵa kartoshka egiw rejelestirilgen.
Ilaj dawamında kartoshkanı durıs egiw, tárbiyalaw, suwǵarıw, agrotexnikalıq ilajlardı óz waqtında ámelge asırıw hám ónimdi jıynap alıw basqıshlarına shekem bolǵan processler qánigeler tárepinen ámeliy tárizde kórildi.
Seminar sheńberinde "Jasıl mákan"joybarı sheńberinde tut nálleri egildi.