Xalıq deputatları Ellikqala rayonlıq Keńesiniń gezektegi 7-shaqırıq 20-sessiyası bolıp ótti
2026-02-12 10:05:00 / Jańalıqlar
Xalıq deputatları Ellikqala rayonlıq Keńesiniń gezektegi 7-shaqırıq 20-sessiyası bolıp ótti
Rayon hákimliginiń kishi májilisler zalında Xalıq deputatları Ellikqala rayonlıq Keńesiniń gezektegi 7-shaqırıq 20-sessiyası ótkerildi.
Sessiya kún tártibinde 2026-jılı "Jańa Ózbekstan" kórinisindegi máhállelerdi rawajlandırıw, awır kategoriyadaǵı máhállelerdi kompleksli qollap-quwatlaw baǵdarlamaların tastıyıqlaw, jergilikli byudjetke ajıratılǵan erkin qaldıq qarjılardı jumsaw, "Infrastruktura hám sociallıq turaqlılıq" qorınıń qarjıların baǵdarlaw jáne jańa jumıs orınların jaratıw baǵdarlamasın tastıyıqlaw máseleleri kórip shıǵıldı.
Kún tártibindegi máseleler boyınsha rayon hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarı B.Alimov málimleme berdi.
Dodalawlar juwmaǵında tiyisli qararlar qabıl etildi.