Xalıq deputatları Ellikqala rayonlıq Keńesiniń gezektegi 7-shaqırıq 21-sessiyası bolıp ótti
2026-03-05 15:50:00 / Jańalıqlar
Xalıq deputatları Ellikqala rayonlıq Keńesiniń gezektegi 7-shaqırıq 21-sessiyası bolıp ótti
Sessiyanı rayonlıq Keńestiń baslıǵı Shuhrat Qwshnazarov ashıp berdi hám alıp bardı.
Sessiya kún tártibinde 5 másele kórip shıǵıldı. Atap aytqanda, 2026-jıl 1-yanvar jaǵdayına jergilikli byudjettiń erkin qaldıq qarjıları esabınan ilajlarǵa qarjı ajıratıw, 2026-jılı rayonda turaqlı jumıs orınların jaratıw boyınsha maqsetli kórsetkishlerdi tastıyıqlaw hám alkogol ónimlerin realizaciyalaw ushın jıyımlardıń sheklengen stavkaların arttırıw máseleleri dodalandı.
Sonday-aq, Ministrler Kabinetiniń 665-sanlı qararına tiykarlanıp rayondaǵı ishki jollardı saqlaw hám aǵımdaǵı ońlaw jumısları boyınsha 2026-jıl ushın dáslepki mánzilli dizimdi tastıyıqlaw hámde Ekologiya hám klimat ózgeriwi komiteti Ellikqala rayonlıq bóliminiń 2025-jıl dawamında ámelge asırılǵan jumısları boyınsha esabatı tıńlandı.
Sessiya juwmaǵında kún tártibindegi máseleler deputatlar tárepinen dodalanıp, tiyisli qararlar qabıl etildi.
Sessiya procesi rayon hákimliginiń faceboktaǵı 👉https://www.facebook.com/share/v/16eYsLo2BT/ betinde tolıq sáwlelendirildi.