Áhmietli wazıypalar dodalandı
2026-03-16 15:20:00 / Jańalıqlar
Áhmietli wazıypalar dodalandı
Búgin Ellikqala rayonı hákimliginiń úlken májilisler zalında rayon hákimi V.B. Niyazimbetov basshılıǵında májilis ótkerildi. Onda rayon hákiminiń orınbasarları, kárxana hám shólkemlerdiń basshıları, máhálle baslıqları, máhálle jaslar jetekshileri hám tiyisli juwapkerler qatnastı.
Májiliste usı jılı 13-mart kúni Prezidentimiz Shavkat Mirziyoevtiń basshılıǵında ótkerilgen xalıqtıń múrájatları menen islesiw sistemasın jetilistiriwge baǵıshlanǵan videoselektor májilisinde belgilengen wazıypalardıń orınlanıwı dodalandı.
Ilaj dawamında xalıqtıń múrájatların óz waqtında kórip shıǵıw, puqaralar menen mánzilli islesiwdi kúsheytiw hám puqaralardı qabıllawdı sistemalı shólkemlestiriw máselelerine ayrıqsha itibar qaratıldı.
Sonday-aq, basshılarǵa biriktirilgen jaslar hám jas óspirim qızlar menen sistemalı islesiw, grant joybarlarında belsene qatnasıw, "Jasıl mákan" ulıwma milliy joybarı sheńberinde ámelge asırılıwı zárúr bolǵan jumıslar hám basqa da tiykarǵı wazıypalar belgilep berildi.