Jaslar menen ashıqtan-ashıq sóylesiw - jańa imkaniyatlar jolında
2026-03-12 15:10:00 / Jańalıqlar
#Jaslar_kúni
Jaslar menen ashıqtan-ashıq sóylesiw - jańa imkaniyatlar jolında
Usı jıldıń 24-fevral kúni Kóksaray rezidenciyasında Prezidentimiz Shavkat Mirziyoevtiń jaslar menen ashıq pikirlesiwi mámleketimizde jaslar siyasatın jańa basqıshqa alıp shıqtı. Bul ushırasıwda hár hápteniń piyshembisin ministrlik, uyım hám hákimliklerde "Jaslar kúni" sıpatında ótkeriw baslaması alǵa qoyıldı.
Ellikqala rayonında da "Jaslar kúni" sheńberinde bir qatar ushırasıwlar shólkemlestirilmekte. Atap aytqanda, "Shopan" MPJ aymaǵındaǵı 74-sanlı ulıwma bilim beriw mektebinde "Hákim hám jaslar" ushırasıwı ótkerildi.
Ushırasıw aldınan rayon hákimi mekteptegi klass xanaları, atap aytqanda, kompyuter xanalarınıń jumısı menen tanısıp, jaratılǵan sharayatlardı kózden ótkerdi hám oqıwshılar menen qızǵın sáwbetlesti.
Sonnan keyin rayon hákimi jaslar menen ashıqtan-ashıq sóylesip, olardıń múrájatların tıńladı. Tiykarınan bántlik, kontrakt tólemleri hám basqa da sociallıq máseleler boyınsha bildirilgen múrájatlardı sheshiw boyınsha tiyisli juwapkerlerge tapsırmalar berildi.
Bunday ashıq hám qızǵın sóylesiwler jaslardıń mashqalaların ornında sheshiw, olardıń baslamaların qollap-quwatlaw hám keleshekke bolǵan isenimin bekkemlewge xızmet etedi.