Ellikqala rayonında "Jaslar kúni" sheńberinde ashıq esikler kúni ótkerildi
2026-03-06 11:25:00 / Jańalıqlar
Ellikqala rayonında "Jaslar kúni" sheńberinde ashıq esikler kúni ótkerildi
Mámleketimiz basshısınıń usı jıl 24-fevral kúni jaslar menen ótkergen ushırasıwında hár hápteniń piyshembi kúni "Jaslar kúni" etip belgilengeni múnásibeti menen Ellikqala rayonı Ishki isler bóliminde jaslar menen ushırasıw hám "Ashıq esikler kúni" ilajı shólkemlestirildi.
Ilaj dawamında jaslar Ishki isler bóliminiń jumısı, xızmet procesleri hám jaratılǵan sharayatlar menen jaqınnan tanıstı. Sonday-aq, olarǵa huqıq-qorǵawdı támiyinlew jolındaǵı juwapkershilikli wazıypalar, jaslardıń nızamlarǵa húrmet ruwxında tárbiyalanıwı hám watansúyiwshilik sezimlerin bekkemlew máseleleri haqqında túsinikler berildi.
Ushırasıw juwmaǵında jaslar ózlerin qızıqtırǵan sorawlarǵa qánigeler tárepinen tolıq juwaplar aldı.