Ellikqalada máresimlerdi tártipli hám normativlik ótkeriw úgit-násiyatlandı.
2026-02-23 10:10:00 / Министрлик
Ellikqalada máresimlerdi tártipli hám normativlik ótkeriw úgit-násiyatlandı.
Mektepke shekemgi hám mektep bilimlendiriwi bólimi májilisler zalında ıqshamlıqtı támiyinlew, saltanatlı toylardı ıqsham hám milliy dástúrlerge say tárizde ótkeriw, sonday-aq, Ramazan ayın aǵartıwshılıq hám jaqsılıq ruwxında ótkeriw máselelerine baǵıshlanǵan ushırasıw bolıp ótti.
Ilajda Nuranıylar qorı Ellikqala rayonlıq bóliminiń baslıǵı F.Ibadullaev, Respublikalıq Ruwxıy-aǵartıwshılıq orayı Ellikqala rayonlıq bóliminiń baslıǵı A.Matniyazova, Din isleri boyınsha komiteti rayonlıq bas qánigesi E.Allabergenov, rayonlıq bas imam-xatibi I.Atajanov, máhálle belsendileri hám puqaralar qatnastı.
Ushırasıwda máresimlerdi normada hám tártipli ótkeriw, artıqsha dábdebe hám ısırapgershilikke jol qoymaw, milliy hám diniy qádiriyatlardı qásterlep saqlaw áhmietli ekenligi atap ótildi.