Qaraqalpaqstan Respublikası Ellikqala rayonı hákimligi

"Salamatlıq marafonı" processleri hám medicinalıq xızmetlerdiń jaǵdayı úyrenildi.

Búgin V.B.Niyazimbetov Ellikqala rayonı medicina birlespesinde bolıp, "Salamatlıq marafonı" sheńberinde ámelge asırılıp atırǵan jumıslar hám nawqaslarǵa kórsetilip atırǵan medicinalıq xızmetlerdiń jaǵdayı menen tanıstı.

Sapar dawamında medicinalıq xızmetlerdiń sapası, ásirese tuwıw bóliminde hayal-qızlarǵa kórsetilip atırǵan medicinalıq járdem, analar hám balalardıń salamatlıǵın qorǵaw jaǵdayı hár tárepleme úyrenildi.

Sonday-aq, birlemshi medicinalıq-sanitariyalıq xızmetti kúsheytiw, keselliklerdi erte anıqlaw, skrining tekseriwlerin nátiyjeli shólkemlestiriw, xalıqtıń medicinalıq mádeniyatın arttırıw hám tarawǵa zamanagóy qatnaslardı engiziw máselelerine ayrıqsha itibar qaratıldı.

Rayon hákimi tárepinen marafon sheńberinde medicinalıq tekseriwler qamtıp alıwın keńeytiw, ásirese sociallıq qorǵawǵa mútáj hámde sozılmalı keselligi bar puqaralardı tolıq qamtıp alıw zárúrligi atap ótildi.

Úyreniwler juwmaǵında medicinalıq xızmet sapasın jáne de jaqsılaw  medicinalıq xızmet sapasın bunnan bılay da jaqsılaw, bar mashqalalardı saplastırıw hám marafon ilajların joqarı dárejede dawam ettiriw boyınsha juwapkerlerge anıq wazıypalar júklendi.

"Salamatlıq marafonı" xalıqtıń salamatlıǵın bekkemlew, salamat turmıs tárizin qáliplestiriw hám medicinalıq xızmetlerdiń qamtıp alıwın keńeytiwge xızmet etpekte.

Ellikqal’a tuman hokimligi axborot xizmati