Ellikqala rayonında máhálle qáwipsizligi máseleleri dodalandı
2026-02-02 09:15:00 / Jańalıqlar
Ellikqala rayonında máhálle qáwipsizligi máseleleri dodalandı
Ellikqala rayonındaǵı "Taza baǵ" awıl puqaralar jıyını imaratında rayon prokurorı M.Atajdanov hám rayonlıq IIB baslıǵı B.Shaxanovtıń qatnasıwında awıl "jetiligi" aǵzaları hám belsendiler menen májilis ótkerildi.
Májiliste Ózbekstan Respublikası Prezidentiniń 2026-jıl 5-yanvardaǵı PQ-1-sanlı qararınıń orınlanıwın támiyinlew máseleleri kórip shıǵıldı. Atap aytqanda, kriminogen jaǵdayı awır aymaqlar kategoriyasına kirgizilgen "Taza baǵ" awıl puqaralar jıyınında profilaktikalıq jumıslardı kúsheytiw, huqıqbuzarlıq hám jınayatlardıń erte aldın alıw boyınsha anıq wazıypalar belgilep alındı.
Sonday-aq, qáwipsiz aymaqtı qáliplestiriw maqsetinde 1-sherek "Jol kartası"n islep shıǵıw, "úlgili qáwipsiz kóshe" hám "úlgili qáwipsiz jollar"dı shólkemlestiriw jáne awıldı tolıq videobaqlaw sisteması menen qamtıp alıw boyınsha juwapkerlerge anıq tapsırmalar berildi.