Jaslar menen ashıqtan-ashıq sóylesiw - ámeliy nátiyjelerge qaratılǵan ushırasıw

Húrmetli Prezidentimizdiń baslaması menen hákimlikler, huqıq-qorǵaw hám qorǵanıw uyımlarına jaslardı biriktirip, olardı atalıqqa alıw sisteması engizilgen edi.

Usı sistema sheńberinde Ellikqala rayonı hákimi V.Niyazimbetovqa 23 jas atalıqqa biriktirilgen bolıp, búgin rayon hákimi tárepinen ózine biriktirilgen atalıqqa alınǵan jaslar menen rayonlıq Ádillik bóliminde jeke tártipte ushırasıw ótkerildi.

Ashıqtan-ashıq sóylesiw tárizinde bolıp ótken sáwbette jaslar ózleriniń múrájatları, mashqalaları, sonday-aq, pikir-usınısları menen qatnastı. Bildirilgen máselelerdi unamlı sheshiw boyınsha tiyisli ilajlar belgilendi.

Bul ushırasıw jaslar menen birden-bir qatnas tiykarında individual jumıslardı shólkemlestiriw, olardı qollap-quwatlaw hám turmısta óz ornın tabıwına járdemlesiwge qaratıldı.

Ellikqal’a tumani hokimligi axborot xizmati
🌐Web sayt (https://gov.uz/oz/ellikqala) | ✅Telegram  (https://t.me/ellikqala1977)| ✅Facebook (https://www.facebook.com/tursungul.nurimova)  | 🌐 Instagram (https://www.instagram.com/tv/C6txSeLgtLc/?igsh=MWZzZmF6a) |