Sociallıq xızmetkerlerdiń jumısı qollap-quwatlanbaqta.
2025-12-19 12:00:00 / Министрлик
Sociallıq xızmetkerlerdiń jumısı qollap-quwatlanbaqta.
Ellikqala rayonında xalıqqa kórsetilip atırǵan sociallıq xızmetlerdiń sapasın arttırıw, sonday-aq, olardıń kólemin bunnan bılay da keńeytiw maqsetinde izbe-iz jumıslar ámelge asırılmaqta. Atap aytqanda, máhállelerde xızmet kórsetiwshi sociallıq xızmetkerlerdiń jumısın qollap-quwatlaw, olardı zamanagóy texnikalıq qurallar menen támiyinlewge ayrıqsha itibar qaratılmaqta.
Usı maqsette kúni keshe Ellikqala rayonı hákimliginde rayon hákimi V.B.Niyazimbetov tárepinen máhállelerde jumıs alıp barıp atırǵan sociallıq xızmetkerlerge 15 zamanagóy kompyuter toplamı tapsırıldı. Bul baslama sociallıq xızmetkerlerdiń jumıs nátiyjeliligin arttırıw, xalıq penen islesiw processlerin sanlastırıw jáne múrájatlardı jedel hám sapalı kórip shıǵıw imkaniyatın beredi.