Jeke tártiptegi isbilermenler hám ózin-ózi bánt etken shaxslar ushın qolaylıqlar boyınsha seminar ótkerildi.
2025-12-11 17:25:00 / Министрлик
Jeke tártiptegi isbilermenler hám ózin-ózi bánt etken shaxslar ushın qolaylıqlar boyınsha seminar ótkerildi.
Ellikqala rayonında Ózbekstan Respublikası Prezidentiniń 2025-jıl 12-avgusttaǵı "Jeke tártiptegi isbilermenler hám ózin-ózi bánt etken shaxslar ushın qolaylı sharayat jaratıw ilajları haqqında"ǵı 247-sanlı qararınıń orınlanıwın támiyinlew maqsetinde seminar shólkemlestirildi.
Ilajda tiyisli shólkemlerdiń juwapkerleri, máhállelerde jumıs alıp barıp atırǵan salıq xızmetkerleri, hákim járdemshileri, bank qánigeleri hám Ózbekstan Sawda-sanaat palatası Qaraqalpaqstan Respublikası basqarması baslıǵınıń birinshi orınbasarı Ajiniyaz Seytakov qatnastı.
Seminarǵa rayon hákiminiń birinshi orınbasarı Bobur Alimov basshılıq etti.
Seminarda qararda belgilengen wazıypalar sheńberinde rayon aymaǵında jumıs alıp barıp atırǵan jeke tártiptegi isbilermenler hám ózin-ózi bánt etken shaxslarǵa "Xolis Paynet" integraciyalasqan sanlı platformasınıń abzallıqları, onnan paydalanıw tártibi hám tólemlerdi ámelge asırıw mexanizmleri boyınsha tolıq túsinikler berildi.
Sonday-aq, xalıqqa bul platformanıń imkaniyatların úgit-násiyatlaw hám túsindiriw jumısların kúsheytiw boyınsha anıq tapsırmalar belgilep alındı.