Zamanagóy avtodrom kompleksi ashıldı.
2025-12-15 13:05:00 / Министрлик
Zamanagóy avtodrom kompleksi ashıldı.
Ellikqala rayonında Ózbekstan Respublikası qorǵanıwǵa kómeklesiwshi "Vatanparvar" shólkemi qaramaǵındaǵı jańa, zamanagóy avtodrom kompleksiniń saltanatlı ashılıw máresimi bolıp ótti.
Ilaj Ózbekstan hám Qaraqalpaqstan Respublikalarınıń Mámleketlik gimnleri jańlawı astında baslandı.
Onda "Vatanparvar" shólkemi Oraylıq keńesiniń baslıǵı Husan Batirov, Arqa-batıs áskeriy okrug wákilleri, Qaraqalpaqstan Respublikası "Vatanparvar" keńesiniń basshıları, rayon hákimligi, birge islesiwshi shólkemler hám jámiechilik wákilleri qatnastı.
Jańa avtodrom jaslardıń kásiplik sheberligin arttırıw, jol háreketi qáwipsizligi mádeniyatın qáliplestiriw hám juwapkershilikli aydawshılardı tayarlawǵa xızmet etedi. Kompleks Ózbekstan Respublikası Ministrler Kabinetiniń 2023-jıl 17-avgusttaǵı 396-sanlı qararı jáne Ishki isler ministrliginiń 2024-jıl 18-yanvardaǵı 27-sanlı buyrıǵınıń talapları tiykarında tolıq qayta úskenelengen.
Máresimde simvolikalıq lenta kesilip, Ellikqala, Beruniy, Tórtkúl, Ámiwdárya, Qońırat hám Xojeli rayonlarındaǵı oqıw oraylarına zamanagóy ONIX jeńil hám FATON júk avtomobilleri tapsırıldı.
Jańa avtodrom - qáwipsiz jollar, zamanagóy bilimlendiriw hám watansúygish jaslarǵa qaray áhmietli qádem bolıp esaplanadı.