"Xalıq penen ashıq sáwbet: Ellikqala rayonında gezektegi kóshpeli qabıllaw bolıp ótti"
2025-12-12 10:30:00 / Министрлик
"Xalıq penen ashıq sáwbet: Ellikqala rayonında gezektegi kóshpeli qabıllaw bolıp ótti"
Aymaqlarda xalıq penen ashıqtan-ashıq sóylesiwdi jolǵa qoyıw hám olardıń múrájatların unamlı sheshiw maqsetinde Ministrler Keńesi Baslıǵınıń orınbasarı R.Zarikeevtiń qatnasıwında Ellikqala rayonı "Sarabiy" APJda gezektegi kóshpeli qabıllaw ótkerildi. Qabıllaw dawamında puqaralardıń sociallıq-ekonomikalıq máseleleri, turaq jay, bántlik, densawlıqtı saqlaw, kommunallıq xızmetler hám basqa da túrdegi múrájatları kórip shıǵıldı.
Kóshpeli qabıllaw procesinde puqaralardıń hár bir múrájatı ayrıqsha úyrenilip, tiyisli juwapker shólkemlerge anıq tapsırmalar berildi. Ayırım máseleler ornında unamlı sheshilgen bolsa, múddet talap etetuǵın múrájatlar boyınsha orınlaw mexanizmleri belgilendi.
Bunday ushırasıwlar xalıqtıń áhmiyetli máselelerin tikkeley ornında tıńlaw, olardıń mashqalalarına jedel hám sistemalı sheshim tabıw imkaniyatın bermekte. Ashıq sáwbetler nátiyjesinde xalıqtıń mámleketlik uyımlarǵa bolǵan isenimin bekkemlew, ashıqtan-ashıq sóylesiw hám nátiyjeli birge islesiwdi bunnan bılay da kúsheytiwge xızmet etpekte.