Байланыс хызметкерлериниң кәсиплик байрамы күни
2025-05-07 / Ўақыялар календары
Бизге белгили, 7-май күни тараў хызметкерлери өз байрамларын белгилейди.
Байланыс хызметкерлери кәсиплик байрамын белгилеў ушын бул сәне бийкарға таңланбаған. 1895-жыл 7-май күни Александр Попов биринши радиоприёмникти жойбарластырды ҳәм сымсыз байланыс тийкарында биринши сеансты әмелге асырды. Усы сәне жыллар даўамында байланыс хызметкерлериниң кәсиплик байрамы нышанланыўына тийкар болды. Әйне усы күн байланыс хызметкерлери күни деп жәрияланды. Мәлимлеме технологиялары ҳәм коммуникациялары тараўын раўажландырыў Республикамыздағы басқа тараўларды жедел раўажландырыўға унамлы тәсир көрсетеди. Өзлериниң күнделикли мийнетлери менен байланыс тараўы хызметкерлери мәмлекетимиздиң раўажланыўына үлкен үлес қоспақта.