Seminar dawamında...
2025-10-09 15:40:00 / Министрлик
Búgin Beruniy rayonındaǵı "Durdibaev Tajimurat" fermer xojalıǵı atızında Tórtkúl rayonı fermer xojalıqları basshıları menen óz-ara tájiriybe almasıw seminarı bolıp ótti. Onda Beruniy rayonı hákimi Ikram Xidirov qatnasıp, paxtadan joqarı zúráátlilikke erisiw boyınsha óz-ara pikir alıstı.
"Durdibaev Tajimurat" fermer xojalıǵınıń 100 gektardan ibarat aymaǵınıń 50 gektarında jergilikli "Sultan" sortı, qalǵanında bolsa sırt el paxta sortı 60 sxemada egilgen. Atız tájiriybeleri sonı kórsetpekte, hár gektardan 50-55 centner zúráát alınbaqta. Atızdı kózden ótkerer eken, tórtkúlli fermer xojalıǵınıń basshıları bunday nátiyjelilikke erisiwdegi tájiriybeler menen tanıstı. Itibarlı tárepi, terim jumısları tolıq mexanizaciyalasqan - barlıq processler mashinalar járdeminde alıp barılmaqta. Zúrááttiń eń sapalı bólegi tuqımlıq sıpatında saqlap qoyılıwı boyınsha usınıs berildi.