Qarar orınlawi boyınsha úyreniwler
2025-10-06 10:30:00 / Министрлик
Qaraqalpaqstan Respublikası Joqarǵı Keńesiniń deputatı Xalilla Eshimbetov PQ-248-sanlı qarardıń orınlanıwı boyınsha úyreniwler alıp bardı. Qararǵa muwapıq Beruniy rayonındaǵı 45-sanlı ulıwma orta bilim beriw mektebi hám 13-shańaraqlıq poliklinika rekonstrukciyalanıwı belgilengen. Qaraqalpaqstan Respublikası Joqarǵı Keńesiniń deputatı Xalilla Eshimbetov Sarkop awıl puqaralar jıyınındaǵı 13-sanlı shańaraqlıq poliklinikanıń sharayatı menen tanıstı. 1997-jılı iske qosılǵan bul imarat 10 mıń 860 xalıqqa medicinalıq xızmet kórsetedi. 33 medicina xızmetkeri jumıs alıp baradı. Xalıqtıń sanınıń kóbeyiwi bolsa, qosımsha imaratqa zárúrlik bar ekenligin kórsetti. Shańaraqlıq poliklinikanıń házirgi imaratı ońlanıp, jáne bir qosımsha imarat qurılatuǵını qararda keltirilgen. 5,5 mlrd sum qarjılar ajıratıw rejelestirilgen hám házirgi kúnde reje-smeta hújjetleri islep shıǵılmaqta.