Altınsay aymaǵında isbilermenliktiń rawajlanıwı
2025-10-02 11:30:00 / Министрлик
Beruniy rayonınıń Altınsay aymaǵı rayon orayınan derlik 40 kilometr qashıqlıqta jaylasqan. Bul awıl puqaralar jıyınında 6323 xalıq jasaydı. Xalıqtıń isbilermenlik jumısın qollap-quwatlaw, jumıssızlıqtı azaytıw maqsetinde baslanǵan jumıslar jıl basınan óz nátiyjesin kórsetti. Aymaq hákim járdemshisiniń járdemi menen bıyılǵı jılı 1 mlrd 593 mln sum jeńilletilgen kredit qarjıları pal hárreshilik, sharwashılıq, qusshılıq, balıqshılıq, awıl xojalıǵı, xızmet kórsetiw hám óndiris baǵdarlarına ajıratılıp berilgen bolsa, usı
tarawlarda óz jumısın baslaǵan isbilermenlerdiń dáramatı ósip, turaqlı jumısqa ie boldı. D.Kenjaevqa kólde balıqshılıq baǵdarın keńeytiw ushın 10 mln sum jeńilletilgen kredit alıwda járdem berildi. Sonday-aq, U.Umrzoqov awıl xojalıǵınan ijara tiykarında jer alıp, diyqan xojalıǵın shólkemlestirdi hám 1200 túrdegi júzim náli nálin egip tárbiyaladı. Bıyıl zúráátke kirgen júzimnen dáramat alıwdı basladı. Nan jabıw hám satıwdı jolǵa qoyǵan isbilermen 30 mln sum jeńilletilgen kredit esabınan zamanagóy úskene satıp aldı. Onda nan forması tayar halatqa keltiriledi. Bul bolsa nan sapasın jaqsılap, buyırtpalar óz waqtında tayar bolıwın támiyinleydi.
támiyinleydi. Altınsaylılardıń isbilermenlik tarawına qızıǵıwshılıǵı joqarı, tek ǵana jaratılǵan sharayatlar hám jeńilliklerden paydalanıwda durıs jol-joba kórsetilse jáne de kóp jumıslardı jolǵa qoyıwǵa uqıplı. Bul baǵdarda hákim járdemshisiniń jumısı maqtawǵa ılayıq.