Húrmetli ishki isler uyımları xızmetkerleri hám veteranları!
2026-10-25 11:05:00 / Администрацияның баянатлары ҳәм сөйлеўлери
Sizlerdi kásiplik bayramıńız benen shın kewlimnen qızǵın qutlıqlayman!
Ishki isler uyımları xızmetkerleriniń moynına júklengen wazıypalar — jámiyetlik tártipti saqlaw, puqaralardıń qáwipsizligin támiyinlew, nızam ústinligin bekkemlew, jınayachılıqtıń aldın alıw jáne xalqımızdıń tınısh hám tatıw turmısın qorǵawday maqtanıshlı hám juwapkershilikli jumıs penen tıǵız baylanıslı.
Sizlerdiń pidayılıǵıńız, mártligińiz, kásipke sadıqlıǵıńız hám qıyın jaǵdaylarda durıs qarar qabıl ete alıwıńız jámiyette tınıshlıq hám turaqlılıqtı támiyinlewde úlken áhmiyetke iye. Ásirese, puqaralar menen jaqınnan pikirlesiw, olardıń mashqalalarına biypárwa bolmaw, jaslar arasında huqıqbuzarlıqlardıń aldın alıw hám máhállelerde qáwipsiz ortalıqtı qáliplestiriw baǵdarındaǵı háreketlerińiz ayrıqsha itibarǵa ılayıq. Beruniy rayonında nızamlılıqtı hám jámiyetlik qáwipsizlikti támiyinlew, xalıqtıń tınıshlıǵın saqlaw, hár bir puqaranıń huqıqları menen máplerin qorǵaw jolındaǵı iygilikli islerińiz bunnan bılay da izbe-iz dawam etetuǵınına isenemen.
Pursattan paydalanıp, óz xızmet wazıypasın orınlaw jolında mártlik hám pidayılıq kórsetip atırǵan barlıq ishki isler uyımları xızmetkerlerine, sonday-aq, kóp jıllıq tájiriybesi hám bay turmıslıq sabaqları menen jas áwladqa órnek bolıp kiyatırǵan veteranlarımızǵa tereń minnetdarshılıq bildiremen.
Bársheńizge bekkem densawlıq, shańaraqlıq baxıt-ıǵbal, shańaraqlarıńızǵa qut-bereket, maqtanıshlı hám juwapkershilikli jumısıńızda úlken tabıslar tileymen!
Elimiz tınısh, xalqımız aman, aspanımız ashıq bolsın!
Kásiplik bayramıńız múbárek bolsın!
Húrmet penen,
Beruniy rayonı hákimi
Ikram Xidirov