Qaraqalpaqstan Respublikası Beruniy rayonı hákimligi

Beruniy rayonı hákimligi janındaǵı Jámiyetlik keńestiń korrupciyalıq jaǵdaylardıń aldın alıw baǵdarında ámelge asırılǵan jumıslar hám aldaǵı wazıypalarǵa baǵıshlanǵan májilisi bolıp ótti.

Májiliste korrupciyanıń aldın alıw, mámleketlik uyımlardıń jumısında ashıq-aydınlıqtı támiyinlew, nızam ústinligin bekkemlew hám jámiyetlik qadaǵalawdı kúsheytiw máseleleri dodalandı.

Sonday-aq, korrupciyalıq qáwip-qáterlerdi erte anıqlaw, olardı keltirip shıǵaratuǵın faktorlardı saplastırıw, puqaralardıń huqıqıy mádeniyatın arttırıw hám jámiyette korrupciyaǵa mawasasız múnásibetti qáliplestiriw boyınsha pikir-usınıslar bildirildi. Májilis juwmaǵında korrupciyanıń aldın alıw boyınsha jámiyetlik qadaǵalawdı jáne de kúsheytiw, juwapker shólkemler menen birge islesiwdi bekkemlew jáne belgilengen wazıypalardıń orınlanıwın támiyinlew boyınsha tiyisli usınıslar alǵa qoyıldı.

Korrupciyaǵa qarsı gúresiw — bárshemizdiń ulıwma wazıypamız! Sebebi, ashıq-aydınlıq, hadallıq hám nızamlılıq ústin bolǵan jámiyette puqaralardıń mámleketlik uyımlarǵa bolǵan isenimi bekkemlenedi.