Qaraqalpaqstan Respublikası Beruniy rayonı hákimligi

Jaslar menen islesiw sistemasın jańa basqıshqa alıp shıǵıw maqsetinde hár hápteniń piyshembi kúni "Jaslar kúni" dep belgilengen bolıp, usı kúnde barlıq sistemadaǵı basshılardıń jaslar máselelerin úyreniwi belgilep berilgen. Búgin Beruniy rayonı hákimi Ikram Xidirov rayondaǵı bántligi támiyinlenbegen jaslar menen ushırastı. Jaslarǵa berilip atırǵan jeńilliklerden únemli paydalanǵan halda ssudalar alıw arqalı isbilermenlik jumısın baslaw, jeńilletilgen kreditler alıw boyınsha kórsetpeler túsindirildi, turaqlı jumıs izlep atırǵan jaslarǵa bos jumıs orınları usınıldı. Kásip-ónerge oqıtıw boyınsha vaucherler beriletuǵın boldı. Sonday-aq, jaslarǵa biriktirilgen basshılarǵa ayrıqsha wazıypalar tapsırıldı.