Zamanagóy sport maydanshası máhálle jasları ushın tapsırıldı.
2026-09-08 21:05:00 / Министрлик
"Bes baslama olimpiadası" jaslar ushın kóplegen imkaniyatlar jarattı. Jaslardı sportqa tartıw, óz ústinde islew menen bir qatarda, máhállede tiyislilik úles penen jasawǵa úyretti. Bul olimpiadanıń respublikalıq basqıshınıń jeńimpazlarına máhállede ulıwma barlıq sport túrleri menen shuǵıllanıwı ushın maydanshalar qurıp beriledi. 2025-jılı "Bes baslama olimpiadası"nıń Respublikalıq basqıshında vorkaut sport túrinen sıylı 1-orındı ielegen Beruniy rayonı Mustaqillik máhállesinen 18-30 jas aralıǵındaǵı Ywldashev Sardor óz máhállesine ulıwma sport maydanshasın qurıwdı sawǵa retinde jeńip aldı. Nátiyjede máhálledegi júzlegen, mıńlaǵan jaslardıń barlıq qolaylıqlarǵa ie zamanagóy sport maydanshasınan paydalanıwı ushın imkaniyat jaratıldı. Búgin Beruniy rayonı balalar hám jas óspirimler sport mektebiniń baslıǵı, sonday-aq, mektep administraciyası hám máhálleniń belsendi nuranıyları menen bul sport maydanı jaslar ushın saltanatlı túrde tapsırıldı. Keleshekte bul máhálleden kóplegen Aziya hám jáhán chempionları jetisip shıǵatuǵınına isenim bildirildi.