Hákim jumıssız jaslar menen biznes sayaxat shólkemlestirdi.
2026-09-05 22:05:00 / Министрлик
Pitkeriwshi jaslardıń bántligin támiyinlew, olardı turaqlı jumısqa jaylastırıw maqsetinde biznes sapar shólkemlestirildi. Máhálledegi jumıssız jaslar, rayondaǵı isbilermen tárepinen islep shıǵarılıp atırǵan temir buyımlar menen tanısıw maqsetinde "Altın saadat ásiri" JShJǵa bardı. Beruniy rayonı hákimi Ikram Xidirov bul jerde jumıssız jaslar menen ushırasıp, olardıń pikirleri menen qızıqtı. Sonday-aq, temir buyımların islep shıǵarıw, kepserlew boyınsha jaslardı jumısqa qabıl etiw hám ustaz-shákirt sisteması arqalı jumıs úyretiw máseleleri isbilermen menen birgelikte usı jerdiń ózinde sheshildi.Bul kárxana qurılıs materialların islep shıǵarıwda jetekshi esaplanadı. Atap aytqanda, temir esikler, qurılıs materialları, energiya únemlewshi ısıtıw qazanları, plastikalıq esik hám ramalar buyırtpa tiykarında hár qıylı mebeller islep shıǵarıladı. Rayon hákimi isbilermen Temur Jumaniyazovtıń kárxana jumısın jáne de keńeytiw baǵdarındaǵı rejeleri menen tanıstı. Sonday-aq, jaratılıp atırǵan qosımsha jeńilliklerden paydalanıw boyınsha da usınıslar berip ótti.