Jaslar ushın biznes sayaxat
2026-08-10 09:25:00 / Министрлик
Beruniy rayonı Abay awıl puqaralar jıyını aymaǵındaǵı "JINFING SILK ROAD TRADING" JShJ JShJ tárepinen, gazoblok hám qurılıs materialların islep shıǵarıw joybarı iske túsirilip atırǵan bolıp, búgingi kúnde zavodta sınaw tiykarında qurılıs materialların islep shıǵarıw baslanǵan. Beruniy rayonı hákiminiń orınbasarı D.Karimov Qizil qala, Beruniy, Abay awılları jáne Mustaqillik hám Nayman mákan puqaralar jıyınlarındaǵı jumıssız jaslar ushın biznes-sapar shólkemlestirdi. Bos jumıs orınları menen tanıstırıp, zavod tolıq quwatlılıqta iske túskennen keyin, turaqlı jumısqa qabıllaw boyınsha kárxana basshısı menen sáwbetlesti. Zavodtıń ulıwma bahası 5 million AQSh dolların qurap, jılına 5 million dana gazoblok islep shıǵarıladı, 50 jańa jumıs ornı jaratıladı.