Korrupciyaǵa qarsı gúres - hadal jámietke taslanǵan áhmietli qádem!
2026-08-07 12:10:00 / Министрлик
Korrupciya hár qanday jámiyettiń rawajlanıwına úlken tosqınlıq etiwshi illet bolıp esaplanadı. Ol ádillik principlerin buzadı, mámleket hám jámiettiń rawajlanıwına unamsız tásir kórsetedi, puqaralardıń nızamlarǵa bolǵan isenimin tómenletedi. Beruniy rayonı prokurorı Sh.Matyakubov hám ishki isler bólimi baslıǵı, podpolkovnik K.Uzaqbaev máhállelerde jumıs alıp barıp atırǵan hákim járdemshileri hám inspektorlar menen korrupciyanıń unamsız aqıbetleri, jámiettiń rawajlanıwındaǵı qáwipli illet ekenligi haqqında májilis ótkerdi. Korrupciyaǵa qarsı gúresiw tek ǵana mámleketlik uyımlardıń emes, al hár bir puqaranıń da minneti bolıp esaplanadı. Hadallıq, nızamlarǵa húrmet hám ashıq-aydınlıq principlerine ámel etiw arqalı salamat hám ádalatlı jámietti qurıw múmkin. Hár birimiz para beriw hám para alıw sıyaqlı nızamsız jaǵdaylarǵa mawasasız múnásibette bolsaq, keleshek áwlad ushın jáne de rawajlanǵan, ádil hám abadan jámietti qurıwǵa múnásip úles qosqan bolamız.