Sport tarawında korrupciya jaǵdaylarınıń aldın alıw
2026-06-13 12:20:00 / Министрлик
Beruniy rayonında Sport ministrliginiń juwapker xızmetkerleri tárepinen rayondaǵı sport mektebinde óz jumısın alıp barıp atırǵan trener hám jumısshı xızmetkerler arasında shólkemlesken jınayachılıq, narkojınayachılıq hám korrupciyanıń aldın alıw boyınsha úgit-násiyat májilisi ótkerildi. Búgingi kúnde sport tarawında ashıq-aydınlıqtı támiyinlew, korrupciya jaǵdaylarınıń aldın alıw áhmietli wazıypalardan biri bolıp esaplanadı. Ásirese, sport mekteplerinde jas áwladtı hadallıq, ádillik hám watansúyiwshilik ruwxında tárbiyalaw menen bir qatarda, korrupciyaǵa mawasasız múnásibetti qáliplestiriw zárúr.
Hár bir xızmetker óz xızmet wazıypaların hújdanlı túrde orınlawı, mápler soqlıǵısıwına jol qoymawı hám xızmet dárejesinen jeke mápler jolında paydalanbawı kerek. Sonday-aq, sport mekteplerinde korrupciya, shólkemlesken jınayachılıq hám narkojınayachılıqqa qarsı úgit-násiyat jumısların turaqlı alıp barıw, xızmetkerler hám trenerlerdiń huqıqıy bilimlerin arttırıw, ata-analar menen ashıq-aydın sóylesiwlerdi jolǵa qoyıw úlken áhmietke ie. Puqaralardan kelip túsip atırǵan múrájatlardı óz waqtında kórip shıǵıw hám olarǵa nızamlı sheshim tabıw da korrupciyanıń aldın alıwǵa xızmet etedi.
Korrupciyaǵa qarsı gúresiw - hár birimizdiń puqaralıq minnetimiz. Hadallıq hám ádillik principlerine ámel etken halda, sport mekteplerinde salamat hám ashıq-aydın ortalıqtı jaratıw arqalı jas sporchılardıń joqarı nátiyjelerge erisiwine tiykar jaratamız.