Jasırın ekonomikanıń aldın alıw ashıq-aydınlıqtı támiyinlewdegi tiykarǵı maqset.
2026-06-12 10:25:00 / Министрлик
Ózbekstan Respublikası Prezidentiniń 2020-jıl 30-oktyabrdegi "Jasırın ekonomikanı qısqartıw hám salıq uyımları jumısınıń nátiyjeliligin arttırıw boyınsha shólkemlestiriwshilik ilajlar haqqında"ǵı PP-6098-sanlı Pármanınıń orınlanıwın támiyinlew maqsetinde Beruniy rayonı prokuraturası tárepinen jasırın ekonomika kólemin qısqartıw, salıq túsimlerin arttırıw hám tarawdaǵı nızambuzıwshılıqlardıń aldın alıw baǵdarındaǵı jumıslar turaqlı qadaǵalawǵa alınǵan. Atap aytqanda, byudjet túsimlerin támiyinlewge qaratılǵan 13 baǵdar boyınsha jumısshı topar tárepinen ámelge asırılǵan jumıslar dodalanıp, juwapker shólkem hám uyımlardıń basshılarına tiyisli tapsırmalar berildi. Sonday-aq, rayonda jumıs alıp barıp atırǵan karerlerde paydalı qazılmalardı qazıp alıw, júk avtomobilleri tárepinen tasılıp atırǵan ónimler ushın hár bir qatnaw boyınsha júk xatlarınıń rásmiylestiriliwi hám sanlastırılǵan avtomobillerge xızmet kórsetiw tarawlarınıń jumısı úyrenildi. Bunnan tısqarı, rayon prokurorınıń baslaması menen rayondaǵı bahalı sharwa malları bazarına jasalma intellekt texnologiyası tiykarında isleytuǵın "aqıllı kamera" ornatılıp, salıq uyımlarınıń málimleme sistemasına integraciya etildi. Nátiyjede bazardaǵı sawda processleriniń ashıq-aydınlıǵı támiyinlenip, jasırın ekonomika hám turmıslıq korrupciya jaǵdaylarınıń aldın alıwǵa erisildi.