Jizzax viloyati Zomin tumani hokimligi

Jizzax viloyati Fermerlari kengashi tashabbusi bilan Zomin tumani "Boburbek sexrli dalasi" fermer xo‘jaligida tumandagi ilg‘or yosh fermer rahbarlari ishtirokida "Yosh fermerlarning innovatsion g‘oyalari va tashabbuslari" mavzusida amaliy seminar bo‘lib o‘tdi.

Mazkur seminarda O‘zbekiston fermerlari kengashi raisining o‘rinbosari – A.Raximov, viloyat Fermerlar kengashi mas’ullari, tuman hokimligi vakillari hamda mutasaddi tashkilotlar mutaxassislari tomonidan  yosh fermerlar rahbarlariga qishloq xo‘jaligi sohasida bugungi kunda yaratib berilayotgan qulay shart-sharoitlar va imtiyozlar hamda qonunchilik hujjatlari to‘g‘risida batafsil ma’lumotlar hamda mazkur imtiyozlardan to‘laqonli foydalanish orqali fermer xo‘jaliklarining salohiyatini yanada oshirish bo‘yicha tavsiyalar berib o‘tdi.

Shuningdek, seminar davomida ilg‘or yosh fermerlar rahbarlarining sohada yaratib berilayotgan imkoniyatlar va imtiyozlar natijasida yerishayotgan yutuqlari bilan tanishildi hamda ularning sohada mavjud muammolarning yechimi bo‘yicha fikr mulohazalari va takliflari eshitildi.

Albatta bunday seminarlar kelgusida qishloq sohasini yanada rivojlantirish, yosh fermerlar faoliyatida ilg‘or innovatsion tajribalarni keng joriy qilishda muhim ahamiyat kasb etadi.